২০২৬ চনৰ হাইস্কুল শিক্ষান্ত পৰীক্ষাৰ ফলাফল: এখন নতুন দিগন্তৰ আৰম্ভণি
২০২৬ বৰ্ষৰ হাইস্কুল শিক্ষান্ত পৰীক্ষাৰ ফলাফল ঘোষণাৰ দিনটো কেৱল এখন নথিপত্ৰ লাভৰ দিন নহয়, বৰঞ্চ ই অসমৰ লাখ লাখ কিশোৰ-কিশোৰীৰ জীৱনৰ এক সন্ধিক্ষণ। মেট্ৰিক পৰীক্ষাক পৰম্পৰাগতভাৱে 'প্ৰথম দেউনা' বুলি কোৱা হয় আৰু এই দেউনা পাৰ হোৱাৰ পিছত শিক্ষাৰ্থীসকলে প্ৰকৃত শৈক্ষিক স্বাধীনতাৰ সোৱাদ পায়। এজন শিক্ষা পৰামৰ্শদাতা হিচাপে আজিৰ এই সম্পাদকীয়ৰ জৰিয়তে মই শিক্ষাৰ্থী, অভিভাৱক আৰু সমাজৰ প্ৰতি কিছু গুৰুত্বপূৰ্ণ কথা আগবঢ়াব বিচাৰিছোঁ।
 |
| হাইস্কুল শিক্ষান্ত পৰীক্ষাৰ ফলাফল |
প্ৰতি বছৰে ফলাফল ঘোষণাৰ পিছত
সমাজত দুটা বিপৰীত ছবি দেখা যায়— এফালে আনন্দৰ জোৱাৰ আৰু আনফালে বিষাদৰ ছাঁ।
কিন্তু আমি মনত ৰখা উচিত যে নম্বৰৰ এই দৌৰত কোনো জয়ী বা পৰাজিত নহয়।
প্ৰথমতে, আপোনালোকৰ কঠোৰ পৰিশ্ৰম আৰু একাগ্ৰতাক অভিনন্দন জনাইছোঁ। আপোনালোকৰ এই সাফল্যই প্ৰমাণ কৰিছে যে লক্ষ্য স্থিৰ থাকিলে ফলাফল সুন্দৰ হয়। কিন্তু ইয়াতেই আত্মতুষ্টিত ভোগাৰ সময় নহয়। মনত ৰাখিব, উচ্চতৰ মাধ্যমিকৰ পাঠ্যক্ৰম মেট্ৰিকতকৈ বহুত বেছি বিস্তৃত। যি নিয়মানুবৰ্তিতাৰে আপুনি মেট্ৰিকত পঢ়িছিল, সেই ধাৰাবাহিকতা ৰক্ষা কৰাটোৱে হ’ব আপোনাৰ পৰৱৰ্তী কৰ্তব্য।
যিসকলে আশা কৰা মতে ফলাফল লাভ কৰিব নোৱাৰিলে, তেওঁলোকক মই বিনম্ৰতাৰে ক’ব বিচাৰোঁ— "Failure is not the opposite of success; it is a part of success." মেট্ৰিকৰ ফলাফল এটা মাত্ৰ পৰীক্ষাৰ মূল্যায়ন, আপোনাৰ গোটেই জীৱনৰ নহয়। আৱেগিকভাৱে ভাগি নপৰি আত্মসমীক্ষা কৰক। ক’ত ভুল ৰৈ গ’ল? কোনটো বিষয়ত অধিক গুৰুত্ব দিয়াৰ প্ৰয়োজন আছিল? এই ফলাফলক ভৱিষ্যতৰ শিক্ষাৰ বাবে এক সাৱধানবাণী হিচাপে গ্ৰহণ কৰি দুগুণ উৎসাহেৰে কামত লাগক। পৃথিৱীৰ বহু বিখ্যাত বিজ্ঞানী, লেখক আৰু সফল ব্যৱসায়ীয়ে মেট্ৰিক পৰীক্ষাত ব্যৰ্থ হৈছিল, কিন্তু তেওঁলোকে নিজৰ সপোনক মৰিবলৈ দিয়া নাছিল।
ফলাফলৰ পিছতেই আটাইতকৈ গুৰুত্বপূৰ্ণ সিদ্ধান্তটো হ’ল— কলা (Arts), বিজ্ঞান (Science) নে বাণিজ্য (Commerce) শাখাত নামভৰ্তি কৰা? ইয়াতেই বহু শিক্ষাৰ্থী আৰু অভিভাৱকে ভুল কৰে। বহুতে ভাবে যে বেছি নম্বৰ পালে বিজ্ঞান ল’ব লাগে আৰু কম পালে কলা। এয়া এক ভুল আৰু পুৰণি ধাৰণা।
প্ৰতিটো শাখাৰে নিজস্ব গুৰুত্ব
আছে। তলত ইয়াৰ এটা চমু আভাস দিয়া হ’ল:
ক) বিজ্ঞান শাখা (Science Stream):
যদিহে আপোনাৰ প্ৰাকৃতিক পৰিঘটনাৰ
কাৰণ বিচৰা, গণিতৰ জটিল সমস্যা সমাধান কৰা আৰু পৰীক্ষাগাৰত গৱেষণা কৰাৰ প্ৰতি সহজাত
আগ্ৰহ আছে, তেন্তে বিজ্ঞান আপোনাৰ বাবে।
- সুযোগ: চিকিৎসা
বিজ্ঞান (MBBS/BDS), অভিযান্ত্ৰিক (Engineering), মহাকাশ
বিজ্ঞান, জৈৱ-প্ৰযুক্তি,
তথ্য প্ৰযুক্তি (IT), বিশুদ্ধ
গৱেষণা আদি।
- যোগ্যতা: বিজ্ঞান
আৰু গণিতৰ ভেটি অতি শক্তিশালী হ’ব লাগিব।
খ) বাণিজ্য শাখা (Commerce Stream):
যিসকল শিক্ষাৰ্থীৰ হিচাপ-নিকাচ, অৰ্থনীতিৰ
উঠা-নমা আৰু ব্যৱসায় পৰিচালনাৰ প্ৰতি টান আছে, তেওঁলোকৰ বাবে বাণিজ্য শাখা
শ্ৰেষ্ঠ।
- সুযোগ: চাৰ্টাৰ্ড
একাউণ্টেণ্ট (CA), কোম্পানী চেক্ৰেটেৰী (CS), এম
বি এ (MBA), বেংকিং খণ্ড, বিনিয়োগ বিশেষজ্ঞ আদি।
- যোগ্যতা: বিশ্লেষণাত্মক
ক্ষমতা আৰু সংখ্যাৰ সৈতে খেলা কৰাৰ দক্ষতা।
গ) কলা শাখা (Arts Stream):
কলা শাখাৰ পৰিধি অতি বিশাল। যদি
আপুনি সাহিত্য, সমাজনীতি, বুৰঞ্জী বা মানৱীয়তাক ভাল পায়, তেন্তে ই
আপোনাক এক সুন্দৰ ভৱিষ্যত দিব পাৰে।
- সুযোগ: অসামৰিক
সেৱা (IAS/ACS), আইন (LLB),
সাংবাদিকতা, চতুষ্পদ
কলা (Fine Arts), মনোবিজ্ঞান, আন্তঃৰাষ্ট্ৰীয় সম্পৰ্ক
আদি।
- যোগ্যতা: ভাষাৰ
ওপৰত দখল, সৃজনীশীল চিন্তা আৰু পঢ়াৰ প্ৰতি গভীৰ আগ্ৰহ।
কোনটো শ্ৰেষ্ঠ ? উত্তৰটো হ’ল— "আপোনাৰ দক্ষতা য'ত আছে, সেইটোৱেই শ্ৰেষ্ঠ।" এজন দক্ষ ইতিহাসবিদ এজন অদক্ষ ডাক্তৰতকৈ বহু বেছি সুখী আৰু সফল হ’ব পাৰে। গতিকে আনৰ কথা শুনি নহয়, নিজৰ অন্তৰাত্মাৰ মাত শুনি বিভাগ নিৰ্বাচন কৰক।
ভৱিষ্যতৰ কৰণীয় আৰু কৰ্তব্য:
শিক্ষাৰ্থীৰ বাবে ৫ টা পৰামৰ্শ
১/ স্কিল
ডেভেলপমেণ্ট (Skill
Development): কেৱল পাঠ্যপুথিৰ জ্ঞান এতিয়াৰ যুগত যথেষ্ট নহয়। কম্পিউটাৰ
জ্ঞান, ইংৰাজী কথন শৈলী আৰু কোনো এটা কাৰিকৰী দক্ষতা আয়ত্ত কৰাৰ চেষ্টা কৰক।
২/ সময়
ব্যৱস্থাপনা: উচ্চতৰ মাধ্যমিকৰ দুই বছৰ অতি কম সময় যেন অনুভৱ হয়। প্ৰথম
দিনৰ পৰাই এটা ৰুটিন মানি চলক।
৩/ ডিজিটেল জগতৰ
সঠিক ব্যৱহাৰ: ম'বাইল ফোন আৰু ইন্টাৰনেটক শিক্ষাৰ মাধ্যম হিচাপে ব্যৱহাৰ
কৰক, সময় নষ্ট কৰাৰ আহিলা হিচাপে নহয়।
৪/ মানসিক
স্বাস্থ্যৰ যত্ন: পৰীক্ষাৰ চাপ বা সামাজিক তুলনাই যাতে আপোনাক হতাশ নকৰে, তাৰ বাবে
যোগাভ্যাস বা খেলা-ধুলাৰ সৈতে জড়িত থাকক।
৫/ কৈশৰৰ
বিভ্ৰান্তিৰ পৰা আঁতৰত: এই বয়সত বহুতো পথভ্ৰষ্ট হোৱাৰ থল থাকে। নিজৰ লক্ষ্যৰ প্ৰতি
সদায় সজাগ থাকিব।
অভিভাৱকসকলৰ প্ৰতি মোৰ অনুৰোধ— আপোনাৰ সন্তানক আন কাৰোবাৰ লগত তুলনা নকৰিব। প্ৰতিটো ল’ৰা-ছোৱালী অনন্য। তেওঁলোকক নিজৰ সপোন পূৰণ কৰিবলৈ দিবলৈ গৈ তেওঁলোকৰ ওপৰত অতিৰিক্ত বোজা জাপি নিদিব। ফলাফল যিয়েই নহওক, আপোনাৰ সন্তানে যাতে অনুভৱ কৰে যে আপুনি সদায় তেওঁৰ পক্ষত আছে। বিফলতাৰ সময়ত তেওঁলোকক তিৰস্কাৰ নকৰি সাহস দিব।
২০২৬ বৰ্ষৰ মেট্ৰিক উত্তীৰ্ণ
শিক্ষাৰ্থীসকল, আপোনালোকৰ সন্মুখত এখন নীলা আকাশ আছে। সেই আকাশত আপুনি কিমান ওপৰলৈ
উৰিব, সেয়া নিৰ্ভৰ কৰিব আপোনাৰ পাখিৰ শক্তি অৰ্থাৎ আপোনাৰ জ্ঞান আৰু পৰিশ্ৰমৰ
ওপৰত। মনত ৰাখিব— "Education is the most powerful weapon which
you can use to change the world."
আপোনালোকৰ ভৱিষ্যত উজ্জ্বল হওক।
আগুৱাই যাওক, অসমৰ গৌৰৱ বৃদ্ধি কৰক।